ՍԱԹՈՒՆՑ

ԱՐԱՄ ՄՈՎՍԵՍԻ

ԿԵՆՍԱԳՐՈՒԹՅՈՒՆ

1938-41թթ. սովորել է Բաքվի կոնսերվատորիայի կոմպոզիտորական դասարանում

1944-47թթ. սովորել է Երևանի Կոմիտասի անվան պետական կոնսերվատորիայի կոմպոզիտորական դասարանում

1931-41թթ. եղել է Բաքվի, Անդիջանի, Գռոզնիի ժողովրդական գործիքների անսամբլի դիրիժոր:

1941-44թթ. մասնակցել է Երկրորդ համաշխարհային պատերազմին: Եղել է Հայկական 89-րդ հրաձգային դիվիզիայի զինվոր-երաժիշտների էստրադային նորաստեղծ նվագախմբի ղեկավարը։ Պատերազմի թեժ օրերին է ծնվել Սաթունցի Ա. Գրաշու խոսքերով գրված «Փառք սովետական բանակին» երգը, որը տպագրվել է Անդրկովկասյան զինվորական օկրուգի օրգան «Լենինյան դրոշ» թերթում։ 1945թ.-ից աշխատել է «Հայֆիլմ» կինոստուդիայում, որպես երաժշտական բաժնի վարիչ:

1949-74թթ. աշխատել է Հայաստանի ռադիոյի և հեռուստատեսության պետական կոմիտեում, որպես երաժշտական խմբագրության գլխավոր խմբագիր, ապա երաժշտական ձևավորումների խմբագրության պատասխանատու խմբագիր:

1950-1955թ. եղել է Թամանյան դիվիզիայի երգի և պարի ինքնագործ անսամբլի գեղարվեստական ղեկավարը, Անդրկովկասյան զինվորական օկրուգի օլիմպիադայում շահել 2-րդ մրցանակը։

ՍՏԵՂԾԱԳՈՐԾՈՒԹՅՈՒՆՆԵՐ

1938թ. Երաժշտական կատակերգություն «Ատամնաբույժն արևելյան» (ըստ Հ. Պարոնյանի)

1946թ. Սոնատ-պոեմ դաշնամուրի համար

1947թ. Սիմֆոնիկ պոեմ «Զանգեզուր»

1967թ. «Տոնական պարային սյուիտ» փողային նվագախմբի համար

1979թ. Վոկալ-սիմֆոնիկ շարք «Վերածնված նաիրյան երկրի երգեր»

1980թ. Կանտատ «Ժողովրդի սխրանքն անմահ է»

Էստրադային-սիմֆոնիկ նվագախմբի համար.

1960թ. «Հայկական ֆանտազիա»

1980թ. «Օլիմպիական սպորտային պարային սյուիտ»

Գրել է նաև երգեր, ռոմանսներ, պարեր, քայլերգեր, երաժշտություն կինոնկարների և դրամատիկ ներկայացումների համար։

ԿՈՉՈՒՄՆԵՐ/ՊԱՐԳԵՎՆԵՐ