ՄԵՐ ՄԱՍԻՆ

Սիրելի՛ բարեկամներ

Ուրախ ենք ողջունելու ձեզ ՀԿՄ պաշտոնական կայքէջում:
Կոմպոզիտորների միությունը լինելով հայ պրոֆեսիոնալ երաժշտության նվիրյալների վեհ խորան, այն յուրօրինակ կամուրջ է մեր փառահեղ, արդեն դասական դարձած կոմպոզիտորական դպրոցի անցյալի և ներկայի միջև, ինչպես նաև կարևոր հիմնաքար նոր սերնդի ստեղծագործական նվաճումների համար:

21-րդ դարի տեխնոլոգիական առաջընթացի շնորհիվ ջնջվել են ժամանակի և տարածության խոչընդոտները: Մենք ազատորեն շփվում և համագործակցում ենք ոչ միայն մեր հայրենակից, այլև աշխարհի երաժշտասեր հասարակության բոլոր շերտերի հետ:

ՀԿՄ պաշտոնական կայքէջը միտում ունի դառնալու պրոֆեսիոնալ երաժշտության լավագույն տեղեկատվության աղբյուր:

Մենք պատրաստակամ ենք լսելու և քննարկելու ձեր բոլոր առաջարկություններն ի նպաստ մեր միության գործունեությանը:

Հարգանքներով ՝ Միության նախագահ
Արամ Սաթյան