ՍԱԹՅԱՆ

ԱՇՈՏ ՄՈՎՍԵՍԻ

ԿԵՆՍԱԳՐՈՒԹՅՈՒՆ

Ծնվել է 1906թ. Մերվ քաղաքում։ Հետագայում ընտանիքը տեղափոխվել է Բաքու, որտեղ Սաթյանը մտել է Կարմիր Բանակի շարքերը

1921-1926թթ. եղել է փողային նվագախմբի երաժիշտ, այնուհետև նվագախմբի ղեկավար (կապելմայստեր)

1926-1930թթ. սովորել է Բաքվի Հայարտան երաժշտական ստուդիայում (Ա. Մայիլյանի ղեկավարությամբ)

1930թ.-ից բնակվել է Երևանում

1936թ. ավարտել է կոնսերվատորիայի ստեղծագործական (դասատուներ՝ Հ. Ստեփանյան, ապա՝ Ս. Բարխուդարյան, Վ. Տալյան) և դիրիժորական (դասատու՝ Կ. Սարաջև) դասարանները

ԱՇԽԱՏԱՆՔԱՅԻՆ ԳՈՐԾՈՒՆԵՈՒԹՅՈՒՆ

1930-1939թթ.՝ եղել է Սունդուկյանի անվան թատրոնում երաժշտական մասի վարիչ և դիրիժոր

1939-1947թթ. ղեկավարել է «Հայկինո» ստուդիայի երաժշտական մասը։

1947-1952թթ.՝ Հայաստանի կոմպոզիտորների միության (ՀԿՄ) վարչության նախագահ, ԽՍՀՄ կոմպոզիտորների միության վարչության անդամ

ՍՏԵՂԾԱԳՈՐԾՈՒԹՅՈՒՆՆԵՐ

Սաթյանի ինքնատիպ ոճն ու վարպետությունը ձևավորվել են երգի ժանրում՝ հայ մոնոդիկ երաժշտության տարբեր ճյուղերի կոմպոզիցիոն հատկանիշների ստեղծագործական յուրացման ու զարգացման հիման վրա։ Սաթյանի երգերը (գրված մեծ մասամբ Գ. Սարյանի բանաստեղծություններով) բազմազան են, նախ, իրենց տեսակներով ու մեղեդիական կերտվածքով՝ առանց նվագակցության մասսայական երգ, էստրադային երգ-ռոմանս, խմբերգային կրկնակով երգեր, զուգերգ, խմբերգ, ժողգործիքների, ժողովրդական երգի ու պարի անսամբլի, սիմֆոնիկ նվագախմբի նվագակցությամբ (գործիքային մասի նշանակալից դերով) երգեր՝ ծորուն եղանակավոր, ասերգային-պատմողական, պարային, զարդարուն-կոլորատուրային և այլն։

1936թ. Լարային կվարտետ

1942թ. «Զաքիյանի դիվիզիայի քայլերգ» փողային նվագախմբի համար

1952թ. Սիմֆոնիկ պատկերներ «Զանգեզուրի լեռներում»

Երգեր.

«Մարտիկի երգը» (նվիրված է Հայրենական մեծ պատերազմի թեմային)

«Սիրո երգ»

«Աղբյուրի մոտ»

«Լավ լսեք ինձ»

«Աշխատանքի երգ»

«Կենաց երգ» և այլն։

Վոկալ—սիմֆոնիկ շարքեր.

1950թ. «Արարատյան հովտի երգեր» (ստացել է ԽՍՀՄ պետական մրցանակ՝ 1952թ.)