English
Русский
Բարեկարգման հրատապ ծրագրերում Հայաստանի կոմպոզիտորների տան խնդրահարույց հատվածները ընդգրկելու, ինչպես նաև մշակութային տարբեր ծրագրերով համագործակցելու նպատակով՝ Հայաստանի կոմպոզիտորների միությունում էր Կենտրոն վարչական շրջանի ղեկավար Սամվել Ղուկասյանը, աշխատակազմի ներկայացուցիչների հետ միասին:
Միության շենքի հարակից տարածքը անբարեկարգ վիճակում է գտնվում, տարիներ շարունակ այդ տարածքը զուրկ է արտաքին լուսավորությունից: Ժամանակ առ ժամանակ փոքր քայլերով արված աշխատանքների արդյունքը տեսանելի է եղել, սակայն խնդիրները պահանջում են համալիր լուծում, որի տարբերակները տեղում փորձեցին գտնել վարչական շրջանի ղեկավար Սամվել Ղուկասյանը և Հայաստանի կոմպոզիտորների միության նախագահ Արամ Սաթյանը, ում հրավերով և իրականացվեց շրջայցը:
Խնդիրներին տեղում ծանոթանալուց հետո՝ երկուստեք պայմանավորվածություն ձեռք բերվեց առաջիկայում ուժերը համատեղելու և առկա խնդիրներին հնարավորիս արագ լուծում տալու համար:
