ՄԱՐՏԻ 29-ԻՆ ՏԵՂԻ ԿՈՒՆԵՆԱ ՀՈԲԵԼՅԱՆԱԿԱՆ ԵՐԵԿՈ՝ ՆՎԻՐՎԱԾ ՌՈՒԲԵՆ ԱԼԹՈՒՆՅԱՆԻ 75-ԱՄՅԱԿԻՆ

Կոմիտասի անվան Կամերային երաժշտության տանը մարտի 29-ին, ժամը 19:00-ին տեղի կունենա Հոբելյանական երեկո` նվիրված Ռուբեն Ալթունյանի 75-ամյակին: Համերգին կմասնակցեն  Լևոն Թևանյան /դուդուկ/, Հակոբ Խալաթյան /քամանչա/, ինչպես նաև Հայաստանի Պետական Կամերային նվագախումբը: Դիրիժոր՝ Վահան Մարտիրոսյան:

 Ծրագրում կհնչեն հեղինակի Սիմֆոնիա լարայինների համար, Թափուր անդաստան, Անտունի քամանչայի համար, Հարազատ մեղեդիներ, Քոչարի, Բերդ պար և Լարային կվարտետ թիվ 2 ստեղծագործությունները: